პედაგოგიური პრაქტიკა

      ზოგადსაგანმანათლებლო სკოლაში პედაგოგიური გამოცდილება იწყება 1992 წლიდან თბილისის 70-ე საშუალო სკოლის რუსულ სექტორზე ფიზიკისა და ასტრონომიის მასწავლებლად. დღემდე ვაგრძელებ ფიზიკის მასწავლებლად მუშაობას სსიპ ქალაქ თბილისის №70 საჯარო სკოლაში. 1998-2002 წლებში ლექციებს ვკითხულობდი საქართველოს ტექნიკური უნივერსიტეტის ფიზიკის ფაკულტეტზე ველის თეორიაში.

   საბუნებისმეტყველო მეცნიერებებისადმი მოსწავლეთა დაინტერესებისა და ჩართულობის გასაზრდელად ეფექტურად ვიყენებდი მიკროსკოპულ და მაკრო სამყაროს შორის კავშირების პოპულარულ დონეზე დისკუსიებს, ლექციებს, დაკვირვებებს. განსაკუთრებულ ინტერესს მოსწავლეები ასაკის განურჩევლად ავლენენ სამყაროს წარმოშობის მეცნიერული თეორიების მიმართ. ამ მიზნით შესაძლებლობის ფარგლებში ფიზიკური მოვლენებისა და კანონების გლობალურ რაკურსში გადატანა ყოველთვის საინტერესოს ხდის ერთი შეხედვით თითქოსდა უინტერესო ფიზიკურ მოვლენასაც კი.

         მასწავლებლის წამატებად მიმაჩნია თუნდაც რამოდენიმე წარმატებული მოსწავლე, რომლებმაც წარმატებით დაამთავრეს ფიზიკის ფაკულტეტი, სწავლა და მოღვაწეობა განაგრძეს გერმანიისა და ევროპის სხვა წამყვან უნივერსიტეტებში. ნაწილი კი უცხოეთში სტაჟირებების გავლის შემდეგ მუშაობს საქართველოში ულტრათანამედროვე აპარატურის ექსპლუატაციაზე სამეცნიერო, ტექნიკურ და  სამედიციცინო დაწესებულებებში.

No comments:

Post a Comment